امام زمان(عج) - حزین(ره)

امام زمان(عج)

نَقَدرخالقِ عالم سنی زیبایارادیب

اوقَدَرعاشق شوریده وشیدا یارادیب

منه گلسین قاداسی گوزلروون بیرباخشی

اورگیمده نئجه دنیا بویی غوغا یارادیب

نرگسی گؤزلره قربان دئیه سن خالق عشق

اولاری صبر و قرار آلماقا شهلا یارادیب

هانی درد اهلی دئیم دردیمی بلکه آزالا

منی غم چکماقا غم صاحبی تنها یارادیب

نَقَدرآتش هجرانه یانیم ، منده مگر؟

نَقَدرتاب وتوان حیّ توانا یارادیب

یوخ گلایه یئری امّا ئوزی اوّل گوندن

عاشقین خالقی ، معشوقی شکیبا یارادیب

حقلیم شام وسحرکویوی مأوا ائلسم

کوی یاری ، یارادان عاشقه مأوا یارادیب

حدّسیزحمد و ثنا صنعونه صورتگروین

که بو صورتده نه عالم نئجه معنا یارادیب

بو نه صورتدی ، نه قامتدی که خلّاق ازل

عالمی قامتوه محو تماشا یارادیب

بیر بئله حسن خدادادیله ای آیت حُسن

کیم دئیرحُسنده خالق سنه همتا یارادیب

غبطه ایللّه وجاهتده گؤزللرسنه ، چون

اولسالارقطره گوزللر ، سنی دریا یارادیب

وئرخبرپیک صبا یوسف مصری گله تا

گؤره نه جلوه نه فر یوسف زهرا یارادیب

حدّ اعلاده دی حُسنون سنون ای حُسنه مَثَل

جلوه حُسنونه خالق سنی مَجلا یارادیب

سن، او ، بیتُ الغزلِ شعرِ وفاسن که سنی

خالق شعرئوزونه دلکش وشیوا یارادیب

هانی صهبای محبّت ، وئیره ساقیِّ وفا

گؤره دُردیلره ،نه دَرد، اوصهبایارادیب

چوخالیر عمر چوخالدیقجا تمّنا دئیه سن

باشدا سودای جوانلیق بوتمّنا یارادیب

چوخ دئدیم گویلومه پروا ائله عاشیق لیقدان

دئدی خلاّق مگرعاشقه پروا یارادیب

دئدیم افراط ائلمه عشقده رسوای اولاسان

یارادان سویلدی عاشقلری رسوا یارادیب

عشق اگراولماسا آیا ندی معنای حیات؟

بشری عشقیله توأم حق یکتا یارادیب

عشق مولانی خدایا الیمیزدن آلما

دل احبّایه صفایِ غمِ مولا یارادیب

دلده گرنور وِلا اولماسا دل ، یوخدی ،گِله

گوهرجانه بها نور تولّا یارادیب

عاقل اولماق سنه ایش وئرمدی دنیاده «حزین»

ئوزونه اهل جنون گؤرنئجه دنیا یارادیب

حزین(ره)

برچسبها: امام زمان, حضرت مهدی, شعر ترکی, حزین
هیأت شیفتگان بقیه الله الاعظم(عج) ارومیه...