حضرت زهرا(س) - شبخیز(ره)

حضرت زهرا(س)

تا جمالیندان کنار ائتدی مه بطحا[1] نقاب

خجلتیندن ائتدی پنهان اوز ضیاسین آفتاب

اولدی عالم مقدمیندن رشک گلزار بهشت

چولقادی دنیا یوزون یکسر شمیم مشک ناب

شمع حُسنوندن ایشیقلاندی شبستان فلک

رنگ رخساریندان آلدی کون و امکان آب و تاب

دولدوروبدور نَکهت[2] زلفی فضای عالمی

سانکی افلاکه سپوپدور قدسیان[3] عطر و گلاب

چیخدی بیر مه برج عصمتدن که خورشید جهان

فیض انوار جمالیندن ائدر نور اکتساب

موجه گلدی لطفدن دریای عشق و معرفت

ساحل امکانه سالدی بیر دُر نایاب ناب

گوهر دریای رحمت پیکر صدق و صفا

مظهر لطف الهی ملجاء[4] یوم حساب

مهبط[5] وحی ولا اولدی جمالیندان جلی

گلدی تا بنت شه «لَولاک[6]» و کُفوِ[7] بوتراب

تا قدم قویدی جلالیله ترابه رشگدن

گلدی فریاده فلک «یالیتنی کنت تراب»[8]

من کیمم توصیف ائدم مصداق کوثر وصفنی

بَللیدور تعریف ایدنمز شأن دریادن حباب

من هارا مدح صفات بنت پیغمبر هارا

مدحتین کوثرده تصدیق ایلیوب ام الکتاب

دامنیندن چکمه ال «شب خیز» اودور باب امید

سال اوزون بو آستانه اول جهاندا کامیاب

شبخیز(ره)

برچسبها: حضرت فاطمه, حضرت زهرا, میلاد, ولادت, شعر ترکی
هیأت شیفتگان بقیه الله الاعظم(عج) ارومیه...