زبانحال حضرت علی (ع)درکنارقبرفاطمه(س) - منطقی زنجانی(ره)

زبانحال حضرت علی (ع)درکنارقبرفاطمه(س)

یم مصیبتیوه یوخ کرانه زهراجان

اورکده قالدی غم جاودانه زهرا جان

 

زمانِ وصل مبدل اولوبدی هجرانه

آیردی تئز سنی مندن زمانه زهرا جان

 

منه مفارقتین چوخ چتیندی چون سنیدون

جهاندا ختم رسلدن نشانه زهرا جان

 

بو ماجرا منه چوخ ناگوار و مشکلدور

شبانه دفن اولاسان مخفیانه زهرا جان

 

وئرنده غسل سنه دردیم آرتدی چون گوردوم

قولوندا واراثر تازیانه زهرا جان

 

فروغ طلعتین ای ماه خانه ده یوخدور

قرانقولوقدی منه صحن خانه زهرا جان

 

بالالارین گورورم پرشکسته و غمگین

قفس اولوب پوزولان آشیانه زهرا جان

 

نه قبرین اوسته نه ائیوده منیم قراریم یوخ

مزارین اوستونه گلّم شبانه زهرا جان

 

عم اوغلووام علیم  سسلرم سنی هردم

جواب وئرمنه ای نازدانه زهرا جان

 

او اودلانان قاپودان جسم و جان «منطقیه»

دوشوب شرر چکر ایمدی زبانه زهرا جان

منطقی زنجانی(ره)

برچسبها: حضرت زهرا, حضرت فاطمه, منطقی زنجانی

هیأت شیفتگان بقیه الله الاعظم(عج) ارومیه...